Өдөр болгон шинэ…

Хорвоо дэлхий уужим, хийх ажил их байна

Эрчүүдээ өмөөрч бичсэн шүлэг

Posted by zsonor on May 6, 2009


Яруу найраг сонирхдог залуустаа, мөн эрчүүдийнхээ өмнөөс нийт эмэгтэйчүүд бүсгүйчүүддээ энэхүү шүлгийг хүргэж байна. Үнэхээр л Яруу найрагч Билэгсайхан голыг нь олоод бичсэн санагдсан. Уг шүлэг БАС Л ЗАВГҮЙ цомгийн анхны хэвлэлтэнд орж байсан ба надад маш их таалагддаг юм. Ер нь энэ мэтчилэн би та бүхэндээ Бас л завгүй цомгийн анхны болоод шинээр гарсан бүх шүлгийн текстийг хүргэж байхаар шийдлээ. Хүний сэтглийн илэрхийлэл болсон урлаг гэдэг чинь агуу юмаа…

Яруу найрагч Мөнхөөгийн Билэгсайхан
Эрчүүдээ өмөөрч бичсэн шүлэг

Эр хүнийг та нар хааяа ч болов хайрлаач
Эрлэгт явчихаас нь өмнө ханийн жаргал эдлүүл
Эр нөхөр чинь үгүй бол гэрийн чинь зай эзгүйрнэ
Эрдэмт хөвгүүд чинь үгүй бол төрийн чинь зай эзгүйрнэ
Эр цэрэг чинь үгүй бол эх орон чинь эзгүйрнэ
Эрчүүдийг та нар хааяа ч гэсэн хайрлаач
Эрлэгт явчихаас нь өмнө ханийн жаргал эдлүүл

Хэл нь тагнайгаа олохгүй тультчиж
Хөл нь дэлхийгээ онохгүй тэмтчиж
Хааяа нэг халамцуухан ирэхэд нь
Хараалын үг урсгаж  халаасыг нь бүү хоосло
Янагийн захиа л лав гарахгүй шүү дээ, наадахаас чинь
Яахав дээ хөөрхий, шараа тайлах юмыг нь үлдээ

Дээл бүсэн гоёлтой
Дээрээ  малгай хийморьтой
Андынхаа дэргэд цовоожиж
Аавынхаа харцанд томоождог
Янагийн сэтгэлд нялхардаг эрчүүдийг
Янжинлхамчууд минь өршөө

Уул шиг юм гэж дандаа битгий давар
Үүл шиг нүүгээд явчихдаг юм
Ус шиг уян гэж дандаа битгий самард
Уур болоод дэгдчихдэг юм
Төгөлдөр их урмыг нь хугалчихдаг юм
Төрсөн шигээ тэд уруугаа хараад уначихдаг юм

Хичнээн жил амьд явахыг мэдэж болдоггүй орчлон дээр
Хэзээ хаана жаргана гэж хэрүүлийн алим хуваахав
Хазайсан газар нь тэдэнд чинь бүүвэй ээж түшиг болдог юм
Халтирсан газар нь тэдэнд чинь бүсгүйн хайр нөмөр болдог юм
Өөрийг чинь эх болгосон хүний дээд юм шүү дээ
Үрийн чинь эцэг болсон эрийн тэнгэр юм шүү дээ
Э
р хүнийг та нар хааяа ч болов хайрла
Эрлэгт явчихаас нь өмнө ханийн жаргал эдлүүл

Олон олон гэргий нараас
Олон олон аавын хөвгүүдийг
Өмөөрч бичсэн шүлгийг минь болгоо
Өөрсдөө та нар нөмөрт нь жарга

Эр хүнийг та нар хааяа ч болов хайрла
Эрлэгт явчихаас нь өмнө ханийн жаргал эдлүүлээ…

About these ads

2 Responses to “Эрчүүдээ өмөөрч бичсэн шүлэг”

  1. H said

    bas l goy l shuleg.. bi bol sanal niiljiigaa hehe

  2. Deegii said

    “Төгөлдөр их урмыг нь хугалчихдаг юм
    Төрсөн шигээ тэд уруугаа хараад уначихдаг юм”-
    uramiin vg sonsoh saihan-goe goe shvlgvvd unshih saihan bnshvv

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
Follow

Get every new post delivered to your Inbox.

%d bloggers like this: